Extraordinarias pero silenciadas

A biblioteca municipal quixo celebrar a data do 8 de marzo, Día da muller, cunha pequena mostra de materiais librarios titulada Extraordinarias pero silenciadas.

 Libros que nos falan da vida e obra de mulleres moi destacadas nos seus campos pero invisibilizadas para o gran público.

 

Sabías que... Á entrada da biblioteca atoparás datos curiosos sobre grandes mulleres.

 

 

Para máis información sobre a mostra  consultade aquí:

Extraordinarias Pero Silenciadas

Publish at Calameo

Día da poesía e da árbore

    O 21 de marzo celébrase o día da árbore e o da poesía. Desde a biblioteca quixemos recordarlles aos nosos usuarios e veciños esta data tan especial colgando 25 poemas de autores diversos, Benedetti, Gil de Biedma, Lupe Gómez ou Cabanillas entre outros, das ramas dos camelios que hai fronte á biblioteca, no paseo Román López.

 

    Por outra banda e xa no interior do centro contamos cunha pequena mostra de obras que nos falan do simbolismo e tradicións dalgunhas árbores,  das especies autóctonas de Galicia ou información sobre xardíns históricos da provincia de Pontevedra. Trátase dunha pequena selección para grandes e pequenos entre os que seguro atoparedes algo que sexa do voso interese.

Deixámosvos o listado aquí:

As áRbores Na Biblioteca

Publish at Calameo

Abril Mes dos libros

    Abril e maio son meses moi especiais para o libro, a lectura e por suposto para as bibliotecas públicas. Celebramos datas como:

• O día do libro infantil e xuvenil, o 2 de abril.
• O día do libro por excelencia, o 23 de abril.
• O día das Letras Galegas, o 17 de maio.

    A biblioteca municipal de Caldas de Reis sempre festexou esas datas da maneira que máis nos gusta, a nós e aos nosos usuarios. Escoitabamos contos, facíamos obradoiros, os escolares visitaban o centro, etc. Pero este ano volvemos a estar moi limitados polas restriccións debido ao COVID-19 polo que as actividades están sendo un pouquiño diferentes.

    Unha segunda entrega de premios para os máis lectores, esta vez para rapaces maiores de 14 anos e adultos tivo lugar o 24 de abril. Os  afortunados foron Joel Torres Velo, Elora Eiriz Pérez, Estrella García García e Mª Jesús Rivas Juncal que recibiron os seus lotes de libros da man de María López, concelleira de cultura.

    O día 23 de abril celebrámolo con "Un libro baixo a almofada" contada a cargo de Felipe Díaz Valle "Caxoto" para os rapaces de 3º de Primaria e que se levou a cabo nos distintos centros educativos do concello.

    Esta semana iniciamos co CPI Alfonso VII e o CPR San Fermín a actividade "A biblioteca vai ao cole". Se ata o de agora eran os centros educativos do concello, desde Educación Infantil ata 1º da ESO, os invitados a participar das visitas guiadas "Coñece a túa biblioteca" este ano, e cunha resposta moi positiva, irá a biblioteca a ter un encontro cos rapaces nos seus colexios.

Día do Libro

O 23 de abril, Día do Libro, sempre o celebramos na biblioteca. Sesións de contos, obradoiros, programas de radio...Este ano a biblioteca está pechada, pero non queremos deixar de facelo. Sabemos que a moitos de vós os libros (papel ou dixital)  estanvos facendo máis levadeiros estos días de confinamento. Anímate e faite unha foto con ese libro no teu recuncho preferido da casa para a lectura...e a ser posible que se vexa o título!

Día do libro infantil

Como xa sabedes andamos a encher de contidos o facebook da biblioteca: Biblioteca Pública Municipal de Caldas de Reis e queremos facelo participativo, que mellor que con iniciativas como esta que nos recordan que a lectura é unha das mellores formas de pasar o noso tempo de lecer.

https://www.facebook.com/bibliotecadeCaldas/

2 de abril, Día do Libro Infantil

Este é o cartel do Día Internacional do Libro Infantil (ano 2020) que se celebra cada 2 de abril conmemorando a data de nacemento do escritor danés Hans Christian Andersen. Co cartel, ilustrado por Damijan Stepancic, acompáñase a mensaxe de Peter Svetina "Fame de palabras".

Máis información: http://www.galix.org/2020/03/2-de-abril-dia-internacional-do-libro.html

Día da Ilustración

Hoxe, 30 de xaneiro, celébrase o Día da Ilustración. Trátase dunha data destacada no Calendario do Libro e da Lectura que se fíxo coincidir co día do nacemento de Castelao e ademais de lembrar o papel dos profesionais da ilustración, cada ano homenaxéase un ilustrador galego. O protagonista  este ano é Federico Ribas.

 O Día da Ilustración é unha iniciativa da Consellería de Cultura, Educación e Ordenación Universitaria da Xunta de Galicia en colaboración coa Asociación Galega de Profesionais da Ilustración (AGPI).

A biblioteca quixo poñer o seu gran de area decorando as fiestras do centro con obras de Castelao procedentes de Cousas da vida (Galaxia), viñetas que publicou na prensa diaria ó longo de moitos anos así como tamén outras ilustrascións procedentes de Galicia mártir e Átila en Galicia (A nosa Terra).

Facendo a pegada dos traballos de Castelao démonos conta do actuais que son e como nos fan reflexionar. Algúns exemplos:

Política

Funcionarios

Escola

A lingua

Día da Biblioteca

O día de onte foi especial. Celebrouse o Día da Biblioteca co que se pretende concienciar á poboación da importancia da mesma como lugar de encontro de lectores e como ferramenta para mellorar a formación e a vida das persoas.

Estivo a contadora Soledad Felloza con "A increíble historia do peixiño vermello na biblioteca máxica e outros sucedidos con libros".







Como xa nos temíamos os contos provocaron risas e sorpresas e lograron que grandes e pequenos pasáramos unha tarde estupenda na biblioteca.

                                      Ata outra rapaces!

Tirando do fío na biblioteca

Onte, 24 de outubro Día da Biblioteca, un grupo de nenos e nenas disfrutaron coa sesión de contos de Fátima Villamel.

Tirando do fío enredáronse contos que nos levaron a outros mundos, coñecemos a personaxes peculiares e vivimos situacións moi divertidas.

Unha hora chea de pequenas e grandes historias, moitos sorrisos de grandes e pequenos e fíos para todos para poder seguir contando na casa.

Grazas rapaces pola vosa participación!

Día da biblioteca

Participa neste certame organizado polo Observatorio de la Lectura y el Libro. Envía unha foto tomada nalgunha biblioteca, no exterior ou dentro do edificio. A fotografía debéra acompañarse dunha mensaxe onde apareza o nome da biblioteca, a localidade onde se atopa e o hashtag #EstoyenlaBiblio. Anímate!

Carlos Casares na biblioteca

Este ano o 17 de maio, Día das Letras Galegas, o autor homenaxeado é Carlos Casares. Desde a biblioteca municipal, coma ven sendo habitual, fíxose unha pequena mostra do material que hai no centro da súa autoría.

Para máis información das obras que temos de Carlos Casares na biblioteca consulta o seguinte enlace:

Carlos Casares na Biblioteca de Caldas de Reis

Publish at Calameo

A biblioteca nas ondas: especial Día do Libro

Onte foi un día moi especial xa que como ven sendo habitual fai uns anos celebrouse

"A biblioteca nas ondas: especial Día do Libro". 

Mañán, domingo 23 de abril, é o Día do Libro e na biblioteca adiantámonos e fixemos un programa de radio onde un grupo de rapaces acompañados das súas profesoras falaron das súas lecturas preferidas. Este ano participou alumnado de 3º de Primaria e os centros que responderon á chamada da biblioteca foron o CPI Alfonso VII, A Encarnación e o Colexio San Fermín.

Por problemas técnicos de última hora non se puido emitir en directo polo que o programa poderá escoitarse en Radio Caldas (107.4 FM) o luns 24 ás 17.00h.

Os nenos do Colexio "A Encarnación" foron os primeiros en sair.

Flavia Rebollar  e Telmo López comentaron as súas lecturas. El Gran Regreso de la Fantasía e Misión Flamenco, ambos protagonizados pola familia Stilton.

 

Lucía Vázquez trouxo un feixe de historias...365! e Nico Piana versos de Gloria Fuertes

Daniel Lois fíxonos partícipes da súa paixon polos dinosauros.

 

 Paula Diz, profesora de 3º de Primaria do colexio "A Encarnación" e Cristina falaron sobre como traballar a lectura nas aulas e os novos soportes.

O CPI Alfonso VI entrou en segundo lugar. 

               María Aboy e Pedro Diz trouxeron contos de raposos e poemas dun gato

 

Carla leu un parágrafo do conto O merlo do ferro e Martina Regueira transportounos ao país dos contos.

 

Visitamos Pompeia con Mateo Puente.

Daniel Uchofen falounos do libro Cousas de papá de Raúl Gómez

Daniel, Martina e Mateo recitaron unha poesía sobre o libro...e fixérono moi ben!

Josefa Ortigueira e Rosario Souto, profesoras do Colexio Alfonso VII, comentaron as súas últimas lecturas.

O colexio San Fermín rematou a actividade

 

Pedro Muñiz e Lidia Aboy viñeron acompañados de Gerónimo Stilton e dos Cinco.

Sara Triñans e Héctor Diz chegaron con dous libros de misterio. Unha aventura de Tea Stilton Misterio en el Orient Express e o Misterio dos fillos de Lúa.

Nerea Iglesias leu unha poesía feita pola súa clase: Poesía de maio para as nosas bibliotecarias.

Moitas grazas!

Dolores Fresco, titora do curso de 3º de primaria do colexio San Fermín, conversou sobre libros, lecturas e infancia con Cristina. 

 

Moitas grazas aos nenos e por suposto moitas grazas aos centros educativos e ao profesorado, en particular a Paula, Josefa, Rosario e Loli polo seu tempo e colaboración.

Por suposto non nos olvidamos das persoas que viñeron a arroupar aos participantes no programa de radio.

E grazas a Manuel e Estela de Radio Caldas, xa que sen eles sería imposible.

Foi un pracer contar con vós!

Programa de radio: A biblioteca nas ondas

24 de outubro, Día da Biblioteca

Desde 1997 e por iniciativa da Asociación Española de Amigos del Libro Infantil y Juvenil celébrase o Día da Biblioteca. O obxectivo é concienciar á poboación da importancia que ten a biblioteca como lugar de encontro de lectores e como ferramenta para mellorar a formación e a vida das persoas.

A Biblioteca Municipal de Caldas de Reis tamén quixo participar do día.

Regalamos libros e marcapáxinas.

Pola tarde houbo sesión de contos. Cristina fixo unha breve presentación recordando a todos os presentes, grandes e pequenos, que era o que se celebraba onte na biblioteca.

 E como non podía ser doutra maneira rematamos con contos.  Soledad Felloza fíxonos pasar unha tarde fantástica a grandes e pequenos con historias cargadas de humor que fixeron que as risadas, por un día, se escoitaran en toda a biblioteca.

GRAZAS POLA VISITA!

 

Ríos de palabras

Onte morreu Agustín Fernández Paz, o escritor máis premiado e prolífico da literatura infantil e xuvenil galega e un referente na defensa da nosa lingua. 

Na súa ampla obra salientan títulos como Cartas de inverno, Corredores de sombra, Aire negro, Non hai noite tan longa... 

A biblioteca conta cunha ampla representación da súa obra e invitamos a grandes e pequenos a coñecela.

Agustín Fernández Paz [Fot. Santos Díez; da fototeca da AELG]

Fai uns anos, creo recordar que polo 2009, e durante unha das edicións do Festival Cultura Quente a Biblioteca Municipal puxo en marcha unha actividade titulada "Un río de palabras".

Inspirounos para facela un dos relatos que aparecía nun dos seus libros "O único que queda é o amor", Premio Nacional de Literatura Infantil y Juvenil 2008. Esta obra abordámola no club de lectura esa temporada e de aí saíu a idea.

Puxémonos en contacto co autor para explicarlle a actividade e de xeito moi amable apoiou a iniciativa e concedeu gustoso a deixar que se usase para a mesma o título do seu relato. 

Pechamos este recordo coas palabras que hoxe no Diario de Pontevedra Kiko Da Silva lle adica ao seu amigo :

"Despídome sabendo que somos o rastro que deixamos e que ti deixaches un moi longo ateigado de verbas e personaxes fermosos"