A biblioteca municipal quixo celebrar a data do 8 de marzo, Día da muller, cunha pequena mostra de materiais librarios titulada Extraordinarias pero silenciadas.
Libros que nos falan da vida e obra de mulleres moi destacadas nos seus campos pero invisibilizadas para o gran público.
 | ||
| Sabías que... Á entrada da biblioteca atoparás datos curiosos sobre grandes mulleres. |
Estos días, do 2 ao 6 de maio, vai ter lugar o Programa Cultura Ciéntifica "Sabi@ Caldas" e a biblioteca pública municipal "P. M. Martínez Ferro" expondrá unha pequena mostra bibliográfica titulada "A muller na ciencia". Trátase de 26 títulos para grandes e pequenos onde predominan as biografías sobre mulleres que tiveron un papel fundamental no desenvolvemento da ciencia ou da técnica ao longo da historia. Obras divulgativas que se adaptan a distintas idades e moi atractivas polo que vos animamos a visitar a biblitoeca e levar en préstamo este material.
Se queredes consultar o listado abride este enlace:
O 21 de marzo celébrase o día da árbore e o da poesía. Desde a biblioteca quixemos recordarlles aos nosos usuarios e veciños esta data tan especial colgando 25 poemas de autores diversos, Benedetti, Gil de Biedma, Lupe Gómez ou Cabanillas entre outros, das ramas dos camelios que hai fronte á biblioteca, no paseo Román López.
Por outra banda e xa no interior do centro contamos cunha pequena mostra de obras que nos falan do simbolismo e tradicións dalgunhas árbores, das especies autóctonas de Galicia ou información sobre xardíns históricos da provincia de Pontevedra. Trátase dunha pequena selección para grandes e pequenos entre os que seguro atoparedes algo que sexa do voso interese.
Deixámosvos o listado aquí:
Hoxe abre as portas o Salón Internacional do Libro infantil e xuvenil de Pontevedra que nesta XXIII edición leva o título Con moita arte!. Numerosas actividades para nenos e familias terán lugar ata o vindeiro 27 de marzo e na biblioteca queremos aproveitar para mostrarvos algunhas das obras que temos onde a arte é a gran protagonista. Vaias ou non ata o Salón achégate á biblioteca e goza con calquera das obras que vos propoñemos. Para coñecer mellor os títulos do lote segue este enderezo:
Achégase o entroido, unha festa chea de tradición e orixinalidade. En Galicia é unha festividade moi arraigada e con características moi específicas dependendo das zonas.
Desde a biblioteca fixemos unha pequenfa mostra bibliográfica para mostrarvos parte dos nosos fondos sobre o tema e saber un pouco máis dos volantes, das pantallas, das madamas e dos galáns entre outros así como dos platos tradicionais da nosa cociña.
Aquí tedes unha pequena guía para consultar o material da mostra:
O vindeiro 14 de febreiro celébrase o día de San Valentín, o día dos namorados. E non hai nada mellor que aproveitar estas datas para retirar das estanterías uns cantos títulos onde o amor é o protagonista e achegalos un pouco máis aos nosos usuarios e usuarias mediante unha pequena mostra bibliográfica.
Por suposto, non están todas as novelas que temos nos andeis da biblioteca, só é unha pequena mostra. Por outra banda, tocamos todos os estilos, clásicos da literatura universal, novela romántica, superventas... pois sabemos da diversidade de gustos da nosa comunidade lectora.
Esperamos que atopes o teu libro!
Tendes á vosa disposición unha pequena guía:
