Un ano máis: bibliomercado!

Como vén sendo habitual, dentro do festival Cultura Quente, a biblioteca sae de excursión e durante unha mañá instala un posto na rúa Real.

Sempre é en luns, día de mercadillo, e alí estamos entre os postos de roupa e froita.

Con esta actividade queremos achegar a biblioteca a máis xente por iso levamos libros representativos dos seus fondos, tanto para adultos coma para rapaces. Novelas, revistas, ensaiaos, películas, documentais, cómics, contos... E por suposto, tamén levamos as últimas novidades!

Descubrindo libros...

  Á policía local tamén lle gusta o noso posto.

O sol molestaba un pouco pero aínda así, vale a pena parar un momento para botarlle un vistazo ás novidades.

 Usuarios non habituais que coñecen a biblioteca no mercadillo. 

                                                                                                                                                                                 

 Usuarios habituais que se acercan a saúdar e a felicitarnos pola iniciativa. Grazas!














 
Non pode faltar unha mesa para que os máis pequenos se senten con comodidade, coma se estivesen na propia biblioteca, para botarlle un vistazo aos libros ou realizar debuxos.

É unha actividade gratificante, divertida e necesaria para lembrar que a biblioteca municipal é túa, e de todos.

Vinde a coñecela!

A biblioteca no mercado

Aínda que o testemuño gráfico da saída que tivo lugar o luns catro de xullo non é bo, máis ben todo o contrario, queríamos deixar constancia no blogue dunha actividade, o bibliomercado, que nos gusta moito facer e que tamén gozaron, ademais de outros viandantes, un grupo de nenas acompañadas das súas nais,

O tempo pasou voando en tan boa compaña!!

Bibliomercado

O vindeiro luns a partir das 10.30 da mañán atoparedes un posto da biblioteca municipal no mercado do pobo: o bibliomercado. 

Fai uns anos desde a Biblioteca Municipal "P. M. Martínez Ferro" quixemos dar a coñecer os nosos servizos, as actividades que se facían, en resumo saír dos nosos muros e achegarnos un pouco máis á veciñanza. Pensamos, sen lugar a dúbidas, que o mercado era o sitio idóneo e aquí seguimos como cada mes de xullo de fai xa uns cantos veráns.

Este ano ademais de levar unha pequena mostra do que podedes atopar na biblioteca haberá algunha que outra sorpresa... 

Esperámosvos!