mércores, 28 de outubro de 2015

Quen dixo medo?

Non esquezas visitar a biblioteca estos días. Á entrada do centro temos unha pequena exposición con algún dos títulos e autores máis coñecidos da literatura de terror.
Prometemos emocións fortes...


martes, 27 de outubro de 2015

24 de outubro, Día da Biblioteca

O sábado 24 de outubro, Día da Biblioteca, tivo lugar un obradoiro de narración oral e lectura de viva voz impartido por Charo Pita.   


Unha EXPERIENCIA que soubo a pouco.

xoves, 22 de outubro de 2015

QUEN DIXO MEDO?


Estámonos achegando ao SAMAÍN e as portas entre os dous mundos, o dos vivos e o dos mortos, están a piques de abrirse...
Para que non vos colla de sorpresa preparamos unha exposición e guía de lectura terroríficas con títulos que provocarán arrepíos en maiores e pequenos.
Por suposto que non están todos os que son, pero aseguramos que si son todos os que están...


venres, 9 de outubro de 2015

APRENDENDO A CONTAR HISTORIAS

                                                          


    Está en marcha a actividade Ti tamén contas e que mellor comezo que Charo Pita imparta un obradoiro para aprender a contar historias e ler contos de viva voz.

ANÍMATE!!

martes, 6 de outubro de 2015

Novidades de outubro

Achégate e descubre as novas incorporacións ao fondo da túa biblioteca!

 Intriga e misterio, vidas de película, terror, cómic...





 

xoves, 1 de outubro de 2015

"A Biblioteca viaxeira" ponse en marcha



   Os centros escolares xa empezaron a levar as súas maletas e mochilas cargadas de materiais dirixidos os nenos e nenas máis pequenos. 
É un pracer contar co entusiasmo do profesorado de Educación Infantil que este ano están visitando a Biblioteca Municipal para facer unha selección máis adaptada ás súas necesidades. 

As que aparecen na fotografía saían para as Escolas de Educación Infantil de Carracedo, Saiar, Godos e Sto. André de César e para o CEIP San Clemente.

BOA VIAXE!