Deseño de mochilas para grandes lectores

Patricia Núñez Sánchez de  "O Faiado de Nin" achégase o vindeiro venres día 5 de outubro ata a Biblioteca Pública Municipal de Caldas de Reis cun feixe de material, coñecementos e moita paciencia para que poidamos facer as nosas propias mochilas para libros...PRAZAS LIMITADAS!

Club de lectura

 

Comezamos unha nova tempada do club de lectura para adultos e ainda hai prazas libres polo que te animamos a participar dunha actividade ben gratificante e de custo cero!

O libro a comentar o último xoves de outubro será:

Inicio de clase

 

A semana pasada a Biblioteca Municipal participou na benvida aos alumnos de 1º e 2º da ESO do IES Aquis Celenis.

Como todos os anos o IES dá o pistoletazo de saída do curso cunha serie de actividades para os rapaces e este ano pensaron que unha contada sería o máis axeitado.

Cristina foi a encargada de facelo e cunha maleta chea de libros, un feixe de contos, uns máis tradicionais que outros, e anécdotas varias, animou aos rapaces a mergullarse nas historias 

Damos as grazas a Pedro e demais profesorado do IES Aquis Celenis por pensar que escoitar e gozar cos contos é unha boa maneira de empezar o curso escolar.

Bo curso a todos!

Novidades de setembro e outubro

Voltamos das vacacións con moitísimas novidades. Achégate, seguro encontrarás algo do teu gusto.

Poesía, cómic para adultos, novela romántica, histórica, de intriga e misterio...

Lecturas que nos abren os ollos a outras realidades, que nos axudan coas nosas afeccións, lecturas para divertirnos cos nenos, para o noso tempo de ocio...

E por suposto materiais para os máis pequenos da casa

Para consultar o listado de novidades completo vai ao seguinte enlace:

Novidades de Setembro e Outubro 2018

Publish at Calameo