martes, 21 de xullo de 2015

Os bolechas na máquina do tempo


O domingo día 19, máis de cen persoas acudiron ao auditorio de Caldas para gozar do espectáculo dos bolechas titulado "Os bolechas na máquina do tempo". Tratouse dunha función de monicreques manipulados por actores á vista que levou aos espectadores, rapaces e maiores, a experimentar unha aventura a través do tempo.


 
 A ilusión e alegría dos pequenos por ver a Carlos, Pili e ao resto dos irmáns bolechas, incluido Chispa, na compaña da atolondradada e excéntrica científica Apolodora, contaxiou aos máis maiores.

 

Esta actividade pertence ao programa de dinamización lingüística da Xunta de Galicia, Fala Redes, e ten continuidade a través de internet pero para iso hai que saber a palabra clave que nos dixeron os bolechas... lémbrala?



mércores, 15 de xullo de 2015

A BIBLIOTECA NO MERCADO


O luns 13 de xullo a biblioteca fixo a súa saida anual ó mercado. Foi unha experiencia moi gratificante. Imos cargados de material librario e audiovisuais: novidades, fondo infantil, publicacións periódicas. Proporcionamos información sobre os servizos, fondos e actividades establecendo así un contacto máis informal coa veciñanza. 

Outro modo de facer máis visible a biblioteca.

Tivemos como veciños ó alumnado do Centro Ocupacional de O Saiar que nos axudaron a montar e recoller.

Pasamos un pouco de calor pero como sempre foi moi divertido!!!

xoves, 9 de xullo de 2015

Os Bolechas en Caldas de Reis


Desde a Biblioteca Municipal animámosvos a asistir a unha actividade que terá como protagonistas aos personaxes dos Bolechas.

  • Domingo 19 de xullo ás 12.00h
  • Auditorio Municipal
  • Entrada libre e gratuita

venres, 3 de xullo de 2015

LECTURAS DE VERÁN

Chegadas estas datas desde a biblioteca facemos unha ampla selección de títulos que fagan máis levadeiras as altas temperaturas.



Incluimos as novidades do mes de xullo pero tampouco faltan títulos que xa eran parte do fondo e que traerán aventuras, amor ou misterio ós longos días estivais.


 
Clásicos, best sellers, ensaio, guías de viaxes.... Todo pode caber na nosa mochila!
PARA CADA LECTOR O SEU LIBRO!

Mergúllete na lectura!
Prepara a túa escapada!