Caracol, cara de col

O venres 2 de febreiro Baia Fernández de la Torre presentará o seu último libro para público infantil, Caracol, cara de col. Terá lugar na biblioteca ás 18.00h. A actividade dirixida a público infantil e familiar contará cunha sesión de "pintacaras". Para poder participar é preciso a inscrición na biblioteca.

Presentación do libro "Lauviah. De ángeles y moscas"

 Un bo amigo da biblioteca presenta o seu último libro na Biblioteca de Caldas de Reis. É un pracer contar con José Romero para que nos fale do seu poemario titulado Lauviah. De ángeles y moscas. A presentación terá lugar o venres 6 de outubro ás 20.30h.

 

Presentación do último libro de Carlos Callón

 

Unha primavera de conto

 Como é habitual nestas datas iniciamos unha serie de actividades dirixidas a público adulto e infantil  encadradas no programa "Unha primavera de conto" co que se pretende dinamizar o centro e fomentar a lectura entre a veciñanza.

Estos dous últimos venres foron moi especiais na biblioteca. Por un lado o 17 de marzo contamos coa presenza de Charo Pita que veu a falarnos un pouco máis do seu libro "Retratos en branco e negro" que lemos e comentamos no club de lectura do mes de febreiro.

 

E "Coa palabra na boca" deixounos María da Pontragha o pasado venres 24 de marzo. Unha sesión de contos para celebrar o Día da narración oral e que  gozamos todos quedándonos con ganas de escoitar máis historias da nosa tradición popular.

A luz de Caldas chega á biblioteca

    O pasado 17 de decembro presentouse a obra "A luz de Caldas" do xornalista Fernando Salgado e editada polo Concello de Caldas de Reis. O libro pretende achegar ao público a historia da antiga central hidroeléctrica de Segade así como a súa recente adquisición por parte do Concello de Caldas de Reis.

    O libro forma parte do fondo local pero destinarase un exemplar para o servizo de préstamo. Achégate ata a biblioteca a coñecer un pouco mellor o teu pobo!

"Días de Reykjavík" na biblioteca

    Ernesto Diéguez Casal, veciño de Caldas de Reis presentou o pasado 7 de decembro na biblioteca municipal o seu libro de contos "Días de Reykjavík" editado pola editorial Piezas Azules. A presentación deixounos entrever a uns personaxes que teñen en común un tempo e un espazo, a cidade de Reykjavik, onde o noso autor viveu e traballou durante uns anos.

    A obra xa forma parte da colección da biblioteca municipal e os usuarios poden levala en préstamo aos seus domicilios.

Presentación do libro Días de Reykjavík

 

Un otoño en la pajarera

O pasado venres tivo lugar a presentación do primeiro libro Un otoño en la pajarera da escritora e veciña Mónica Graña. 

Versos, sentimento e moito amor pola poesía foi o que nos trasladou Mónica con moitísima ilusión.

Estivo acompañada por Loli, profesora na Escola de Música de Caldas de Reis, que nos regalou uns cantos temas ao clarinete.  

Para quen queira disfrutar co libro de Mónica informamos que está dispoñible na Biblioteca Municipal de Caldas de Reis.

Presentación do libro "Un otoño en la pajarera"

Presentación do libro "1.306/36"

Fernando Salgado presentou o seu último libro na biblioteca de Caldas de Reis. Leva o título de "1.306/36" e xira en torno a figura do seu avó, home represaliado no 36 por defender a liberdade e os valores da república. 

O autor estivo moi ben acompañado por Héitor Picallo que nos falou da represión no concello de Cuntis e por Pepe Casal que tratou o mesmo tema pero vinculado ao de Caldas de Reis.

Foi unha charla - coloquio na que tamén participaron os asistentes ao acto, moi interesante e instructiva. 

A biblioteca está desexando facerse cun exemplar da obra para goce dos seus usuarios.

Presentación

Presentación de Canciones para no escuchar

    A organización de actividades nunha biblioteca pública municipal, aporta unha pincelada extra de emoción e desacougo, especialmente cando a data acordada é un venres caluroso de verán, á hora de tomar viños. Esta reflexión xorde tras a presentación do libro Canciones para no escuchar de Ernesto Diéguez Casal, editado por La pajarita roja. 

Sempre se intenta que os actos saian ben pero esta foi unha experiencia fantástica.

 

A súa foi unha das que non se olvidarán, repleta de xente e de emoción, e na que houbo moitas risas e manifestacións de cariño. O espazo encheuse con rapidez polo case medio centenar de persoas que acudiron, dende bebés a xubilados pasando por rapaces, adolescentes, compañeiros, amizades, veciños e familia do autor. E non era para menos, todos querían apoiar e acompañar a Ernesto Diéguez Casal, na presentación en sociedade da súa recén nacida criatura literaria, Canciones para no escuchar.

   Ernesto é un mozo caldense quen coma moitos outros, tras formarse de xeito extraordinario en España, decide desenvolver a súa actividade fóra, na procura de mellores condicións. Neste caso, Ernesto decidiuse por Islandia, onde na acutalidade traballa como biólogo. 

Nunca deixou de escribir, afición que desenvolve desde a adolescencia e na que ten un papel determinante a súa nai, quen escoitou orgullosa esta afirmación da boca do seu fillo e a quen está adicado o libro.

   Canciones para no escuchar xira en torno ao desencanto dunha xeración sobre a que residían moitas espectativas e esperanzas que acabaron por converterse nunha lousa pesada nos seus ombros. E así se lles presenta unha realidade, ás veces hostil, na que se acaban instalando e usando os recursos máis diversos, tal como lle suceden aos protagonistas da novela. 

O punto de arranque é unha despedida de solteiro, a do primeiro amigo da pandilla que casa. Un festexo case banal que serve de fío condutor para a presentación de personaxes resignados, sen esperanza, coa tristura e resignación de deixar de lado os seus soños, grises e sombríos coma as súas vidas.

O desencanto vital convive con certas notas de humor, o pesimismo dalle a man a aventuras trepidantes. 

Estamos ante unha novela de aprendizaxe, diante dunha viaxe iniciática, cara unha vida con sentido. 

Pero...cal é o sentido da vida? 

Esa pregunta que nunca vén soa, fai que a novela sexa atemporal e otórgalle rasgos universais, xa que todo aquel que sufriu de desarraigo vital vaise sentir identificado na novela. 

 

 Está escrita nun estilo conciso, sinxelo e áxil con moitas referencias literiarias, musicais e cinematográficas. O deseño da estrutura narrativa é moi acertado. Por todo iso, o resultado final é unha novela redonda cuxa lectura non deixará indiferente a ninguén. 

   O editor Carlos Tosca,  aportou moitos detalles curiosos á tertulia e animou a rolda de preguntas que resultou moi interesante. Deste xeito enterámonos do periplo para decidir o título. O actual fai  referencia a todas aqueles cancións que son importantes na nosa vida, aquelas que encollen o corazón pero aínda así, queremos seguir escoitándoas.

Moita cola houbo para que o autor firmase exemplares!

 A coidada edición a cargo de La pajarita roja, destaca polo deseño fresco e atractivo; nótase o mimo do seu traballo.

 

Desde a biblioteca animámosvos, con orgullo e ímpetu, a ler a última novela publicada dun dos nosos usuarios máis queridos. 

Canciones para no escuchar de Ernesto Diéguez Casal pertence aos fondos da biblio e e podedes levala en préstamo.

Presentación de libro "Canciones para no escuchar"

Non todos os días un rapaz novo, veciño do pobo, presenta o seu primeiro libro en solitario. O próximo venres ás 20.30h na biblioteca municipal Ernesto Diéguez Casal falaranos de "Canciones para no escuchar".

Noraboa Ernesto!

Presentación do libro Aprender a comer solo

O último día de marzo, o venres 31, foi o escollido para a presentación do libro Aprender a comer solo da nutricionista caldense Lidia Folgar. A biblioteca encheuse de persoas interesadas; moitas delas viñeron acompañadas dos máis cativos.

Dun xeito moi ameno, Lidia demostrou as súas capacidades como divulgadora e aportounos moita información sobre o modo de ofrecerlle os alimentos aos máis pequenos, dun xeito natural e máis coherente. E falounos dun método de alimentación complementaria desde un enfoque innovador pero moi respetuoso, o Baby-Led Weaning.

 

A biblioteca adquiriu o seu libro e podedes vir cando queirades a consultalo!

Estará no noso centro de interese "Sobre nen@s" onde podedes atopar información que seguro vos vai interesar.

Presentación de libro: Aprender a comer solo

Un cesto de mazás

Onte tivemos o pracer de contar con Montse Fajardo que veu a falar da súa segunda obra Un cesto de mazás: memoria das vítimas do 36 e do tempo que veu. Historias de mulleres e homes que non debemos esquecer.

Grazas Montse polo visita!

Presentación do libro "Un cesto de mazás"

O venres 10 de marzo Montse Fajardo presentará o seu libro Un cesto de mazás ás 21.00h na Biblioteca Municipal.

Esperámosvos!

Presentación do libro "Contra la oligarquía y el caciquismo del siglo XXI"

Presentación de Seique

O venres 15 de xaneiro gozamos escoitando a Susana Sánchez Aríns que se achegou ata a Biblioteca de Caldas para presentarnos o seu último libro Seique. Novela, poesía, ensaio...non se pode encaixar en ningún dos tres xéneros, é un "híbrido" como alguén apuntou. Acudiu acompañada de Carmen Loureiro, "atenta lectora e medio filósofa" tal coma a definiu a autora e en efecto, ten un pouco de todo iso e máis, e as súas interesantes aportacións completaron ás de Susana.
 Seique é unha xoia literaria, tal como a está demostrar o seu alto nivel de vendas e a boa acollida entre lectores e crítica. De feito, está considerada como unha das mellores publicacións en galego do ano 2015. A súa lectura atrápate desde a súa primeira liña, provoca emoción no lector@, incitando ademais á unha reflexión crítica de certos aspectos históricos.
O dito, unha xoia!

Moitas foron as persoas que se achegaron a coñecer ben preto a autora!

Novo ano, novas ilusións

Din que os luns é o peor día da semana pero hoxe para nós é unha xornada moi especial xa que botamos a andar este blog. Que ganas tiñamos!
Agora non hai excusas para que non haxa comunicación entre ti e a túa biblioteca.
Acompáñanos nesta andaina!