xoves, 18 de xuño de 2015

PARABÉNS A PEDRO FEIJOO!

O 16 de xuño fallouse a XXI edición do Premio Arcebispo Juan de San Clemente do IES Rosalía de Castro e na categoria de novela en lingua galega gañou "A memoria da choiva" do escritor Pedro Feijoo.  


Ala polo mes de marzo Pedro visitounos e foi un pracer compartir con el unha reunión do club de lectura para comentar esta mesma obra. Falamos sobre as impresións que causou a súa lectura , así como dos descubrimentos que fixemos sobre o mundo de Rosalía de Castro, do laborioso traballo de investigación que precisou para facer a novela...

Moitas grazas polo teu tempo e noraboa polo premio!


luns, 15 de xuño de 2015

Soñei que era unha árbore

A Biblioteca Pública Municipal remata a súa tempada de actividades e como ven sendo habitual a sesión de peche é para os máis pequenos da casa.


O venres 12 de xuño tivo lugar unha actividade para bebés. Fíxose no Auditorio Municipal e asistiron unha veintena de nenos acompañados dos seus pais.  Para algúns deles era o seu primeiro contacontos.


Fran Buceta e Marta Faílde, os integrantes de Avoa Youja, fixeron un espectáculo visualmente moi atractivo, onde a música e os obxectos foron elementos claves na creación dunha atmosfera moi especial dirixida a estimular os seus sentidos e imaxinación.
 
Iago e Martín, dous dos máis pequenos, disfrutando coas súas nais




xoves, 11 de xuño de 2015

venres, 5 de xuño de 2015

Soñei que era unha árbore. Actividade para os máis pequenos

  • Espectáculo para bebés (0 a 3 anos) a cargo de Avoa Youja
  • Venres 12 de xuño ás 18.00h.
  • Inscrición previa na biblioteca ou chamando ao 986530604