mércores, 22 de maio de 2019

"Contos da Galicia máxica"

Como non podía ser doutra maneira, a biblioteca sumouse á festa das nosas letras, o día das Letras Galegas e para iso, que mellor que uns contos!

O autor homenaxeado este ano é Antón Fraguas Fraguas e por iso invitamos a Marta Ortiz e ao seu espectáculo "Contos da Galicia máxica" que nos deixou, a maiores e pequenos, abraiados. 





 Contos de tradición oral, os contos de sempre, de onte e de hoxe, foron os verdadeiros protagonistas desta sesión, vinculando así a narración oral co traballo de antropólogo de Antón Fraguas.

Foi unha demostración práctica de que un bo conto sempre gusta, teña os anos que teña.


Marta Ortiz axudounos a mirar con outros ollos os obxectos máis cotiás e así foi como vimos caracois peculiares, fermosas galiñas ou vacas rumiantes.



Un momento moi simpático da sesión foi cando Marta armouse con dous carozos que lle serviron para que a rapazada tivera claro o que era un carozo (o que se aprende nunha sesión de contacontos!) e a súa relación coa espiga e para contar unha bonita historia na que todos participamos.


Foi unha fantástica sesión de contos para gozar en familia.


 Ata pronto, Marta!

Moitas grazas polo teu bo contar!

xoves, 9 de maio de 2019

Aviso


O persoal da biblioteca de Caldas de Reis está a traballar para a migración a un novo programa de xestión bibliotecaria. Deste xeito unirémonos ao catálogo colectivo da Rede de Bibliotecas de Galicia que suporá moitas vantaxes para os usuarios, entre elas, o carné único.
Isto supón labores adicionais que afectan ao habitual funcionamento do servizo.

Por todo iso, a semana do 13 ao 16 de maio a biblioteca permanecerá pechada ao público.

Grazas pola vosa comprensión.
Irémosvos informando de posibles cambios que afecten ao servizo.

sábado, 27 de abril de 2019

Filipa cos contos con Bandullo azul


Este venres de conto na biblioteca de Caldas de Reis tiña que ser especial, xa que estamos na semana do libro. E debeu ser por iso polo que o espazo de conto case se quedou pequeno pola gran asistencia de público. 
  

Por iso veunos visitar, Fran Campos da compañía de teatro Bandullo Azul. Pero Fran Campos non veu só, xa que trouxo a  súa guitarra.












 












 E a súa grande amiga e gran contadora de historias, Filipa. De feito, este espectáculo titúlase "Filipa cos contos" e vaia se filipamos.


 E así foi como fixo que a biblioteca enteira cantara e disfrutara dos contos. Houbo de todo, contos encadenados, de “miedito” (que son contos que dan medo e risa),  de lobos…












 











 
Rematou co seu famoso himno “Ypoqué?!” que cantamos todos, pequenos e maiores na biblioteca. E ainda debe escoitarse en moitas casas...



Foi un verdadeiro espectáculo para gozar en familia.


  
E ao finalizar houbo momentos para fotografiarse con Filipa que estivo moi solicitada.
 
 

 

Moitas grazas Fran e Filipa! 

Pasámolo moi, moi ben. 







Club de Lectura

O último xoves deste mes de abril houbo reunión do club de lectura da biblioteca de Caldas de Reis. Nesta ocasión houbo que desafíar o mal tempo pero a xuntanza produciuse e foi moi agradable. 
Falamos ao redor das nosas sensacións ao ler La insólita pasión del vendedor de lencería da escritora xaponesa Asako Hiruta.
A maioría dos comentarios respecto a súa lectura eran halagadores. Houbo manifestación moi emotivas respecto á súa lectura. 



 A todas nos pareceu unha lectura amena e con momentos divertidos. Acompañando ás peripecias da protagonista principal, Satsuko, aparecen personaxes e historias secundarias moi interesantes. 
Aí, neste aspecto, houbo discrepancias pois houbo quen comentou que lle parecían demasiado forzadas.


A maioría recoñeceu que sería unha lectura que recomendarían, de feito xa houbo quen o fixo! 
 



Nesta reunión só había mulleres e como no libro a lencería case que é unha protagonista máis, acabamos recoñecendo a importancia dunha boa roupa interior. 
Só nos falta atopar un vendedor tan especial como o da novela. Se alguén sabe dalgún que se poña en contacto con nós, por favor!😊

Mentras esperamos iremos lendo a Mark Twain e os contos humorísticos aínda que pola portada debe ser de humor negro. Xa vos contaremos na seguinte reunión. 





Día do Libro


A Biblioteca Pública Municipal “P. M. Martínez Ferro” celebrou o Día do Libro, o martes 23 de abril, da mellor maneira posible. Enchendo a biblioteca de contos e de xente con ganas de escoitalos. 
A contadora foi a narradora oral lucense, Fátima Fernández e os invitados os usuarios e usuarias  do Centro Ocupacional O Saiar que para unha mellor organización se dividiron en dous grupos, empezando ás 10.30h da mañá.


 Pero ao ser unha sesión aberta, todas as persoas que visitaron a biblioteca caldense poideron deleitarse cos seus contos. 



Príncipes e princesas, circos fantásticos, animais famentos, adiviñas e máis fixeron que os asistentes á actividade festexaran o 23 de abril da mellor forma posible, disfrutando da palabra e das historias que hai nos libros e que Fátima, como outras tantos veces, nos trouxo.



Vivan os contos e viva o día do libro!

Vivan os contos e os libros os 365 días do ano!






martes, 16 de abril de 2019

Horario Semana Santa


HORARIO SEMANA SANTA


A Biblioteca Pública Municipal permanecerá pechada desde o xoves 18 ao domingo 21 de abril.

Grazas


luns, 8 de abril de 2019

Un oqo para a sopa


O pasado venres 5 de abril pola tarde tivemos unha mestura de contada e obradoiro titulada "Un oqo para a sopa" de OQO editora.




Contos, propostas artísticas e música déronse a man e durante hora e media uns vinte nenos e nenas acompañados dos seus pais escoitaron como se fai unha sopa moi especial onde a amizade e a colaboración entre todos foron primordiais para facer un prato que nos dou forza e calor nun día de frío.



Posteriormente, entre todos, preparamos unha sopa moi nutritiva que despois foi repartida entre os asistentes.
 












Grazas pola visita rapaces!