Presentación de Seique

O venres 15 de xaneiro gozamos escoitando a Susana Sánchez Aríns que se achegou ata a Biblioteca de Caldas para presentarnos o seu último libro Seique. Novela, poesía, ensaio...non se pode encaixar en ningún dos tres xéneros, é un "híbrido" como alguén apuntou. Acudiu acompañada de Carmen Loureiro, "atenta lectora e medio filósofa" tal coma a definiu a autora e en efecto, ten un pouco de todo iso e máis, e as súas interesantes aportacións completaron ás de Susana.
 Seique é unha xoia literaria, tal como a está demostrar o seu alto nivel de vendas e a boa acollida entre lectores e crítica. De feito, está considerada como unha das mellores publicacións en galego do ano 2015. A súa lectura atrápate desde a súa primeira liña, provoca emoción no lector@, incitando ademais á unha reflexión crítica de certos aspectos históricos.
O dito, unha xoia!

Moitas foron as persoas que se achegaron a coñecer ben preto a autora!

O que nos trouxeron os Reis...

Hai un pouco de todo, narrativa, xuvenil, cómic, ensaio... Seguro que entre todos hai algún que che interesa!

Xaneiro2016

Publish at Calameo

Suspensión de actividade

A actividade prevista para mañá sábado 9 de xaneiro, o contacontos para nenos "Ti tamén contas! Ven a escoitarnos!" queda suspendido.

Desculpade as molestias

Seique...

Contacontos

Achégate o próximo sábado pola mañán a escoitar uns contos moi especiais...

Club de Lectura

O pasado xoves 17 de decembro o club de lectura da biblioteca reuniuse por última vez neste ano 2015. Comentouse o libro Sarou de Ramón Caride Ogando que deu lugar a un debate moi entretido.

En Sarou o ambiente do narcotráfico, das drogas e as consecuencias de todo iso, están moi presentes. E quizáis por ser un tema que se coñece ben na Galicia costeira houbo certa sensación de "déjà vu"

O libro foi escrito en 1997, ano no que gañou o premio Café Dublín, pero o paso dos anos non se lle nota, xa que segue sendo un tema de actualidade. 

A estruturación da novela facilita a súa lectura.  E a mestura das personaxes femininas, mulleres algunhas que non queren saber do que ocorre ao seu redor, outras máis novas e con ilusións, nais sufridoras e resignadas, nais fortes e valentes dispostas a facer o que sexa para saír adiante. O machismo e a violencia, explícita e implícita, é un elemento moi presente.

O final, aberto a posibles conxeturas tamén dou moito que falar...

En xeral, os asistentes á reunión, que estivo animada polas lambonadas navideñas que algún deles trouxo, coincidiron en que era unha lectura doada e entretida aínda que para uns máis que para outros.

O club volverase a reunir o 28 de xaneiro do próximo ano, o último xoves de mes como vén sendo habitual, para comentar nesta ocasión unha novela histórica, La herbolera de Toti Martínez de Lezea.

Contos de nadal no mundo

Hoxe,  Amor e Mª Luisa, integrantes da Asociación Plural.es, organizadora da actividade, fixeron un percorrido por diferentes lugares do mundo traéndonos contos navideños desde Rusia, Arxentina ou México.

Algúns nenos, como Flavia, tamén se animaron a facer as súas lecturas en voz alta.