Novidades de Nadal

Xa está aquí decembro e co frío, ainda que non moito, chegaron novas incorporacións.
Hai de todo como en botica. Para os pequenos da casa e para os que teñen uns cantos anos máis.

Atoparás narrativa de MISTERIO, amor, mafias... Poderás facer novas RECEITAS DE COCIÑA,  achegarte a temas de divulgación científica dunha maneira máis entretida, cómic... 

Visita a biblioteca e seguro que atoparás algo do teu interese.

Podes consultar o listado completo en:

Novidades do Nadal

Publish at Calameo

Mil Cretinos

Mil cretinos e algún máis, desfilaron na última reunión do club de lectura da biblioteca que foi o xoves 26 de novembro. Da man do seu autor, Quim Monzó, a lectura non deixou indiferente a ninguén. O libro está composto por relatos, de diversa índole temática. Rebosa un humor absurdo, mordaz e sarcástico que unido á tendencia a presentar xiros inesperados nas historias, ás veces poden sorprender ou provocar certa incompresión. 

Hai temas que se repiten como a soidade, o paso do tempo, a vellez e a necesidade de atopar un apoio na vida. 

Mil cretinos está estruturado de tal xeito que a súa lectura é doada aínda que as situacións esperpénticas non sempre foron do agrado de todos os membros do club. De aí que se orixinara un debate interesante na súa contorna, por exemplo o modo de rematar as historias impresionou a uns e decepcionou a outros.

O autor catalán demostra co seu estilo conciso e preciso, un excelente dominio da linguaxe.

Sarou de Ramón Caride Ogando é a seguinte lectura sobre a que imos debatir na próxima reunión que adiantamos por mor das festas navideñas ao 17 de decembro.

Adeus a Xosé Neira Vilas e a Xosé Chao Rego

A semana pasada morreron os escritores galegos Xosé Neira Vilas e Xosé Chao Rego.
Homes, cada un ao seu xeito, comprometidos co seu tempo, a súa terra e coa lingua galega. A Biblioteca Pública de Caldas de Reis pon á vosa disposición algunhas das súas obras.

Esta é a nosa homenaxe!

25 de novembro, Día Internacional contra a violencia de xénero

A Biblioteca Pública Municipal "P. M. Martínez Ferro"  presenta unha pequena mostra bibliográfica con material  onde a muller é  protagonista.   

Novela, CÓMIC, poesía, ensaio, BIOGRAFÍAS...

Atoparás  un amplo abano de temas: violencia de xénero, historia do feminismo, a maternidade, conciliación de vida familiar e laboral, situación da muller hoxe en día en Galicia, etc.

Guía bibliográfica

NOVIDADES DE NOVEMBRO

Este é un pequeno mosaico das novidades do mes de novembro. Podedes atopar unha ampla variedade de xéneros e temas.

Libros para pais "Cómo hablar para que sus hijos le escuchen y escuchar para que sus hijos le hablen". 

Materiais para educadores "Coaching educativo: las emociones al servicio del aprendizaje".

Premios como o último Planeta, "Hombres desnudos" de Alicia Giménez Bartlett ou unha das obras da recente e descoñecida  premio Nobel, Svetlana Alexievich, "Voces de Chernóbil". 
Por suposto, non nos olvidamos de Ledicia Costas coa súa obra "Escarlatina, a cociñeira defunta" que foi galardoada co Premio Nacional de Literatura Infantil e da que aseguramos vai estimular o noso apetito. 

E se eres dos que busca aventura con maiúsculas "El regreso del Catón" xa está nos andeis da biblioteca.

Novidades Novembro

Publish at Calameo

CONTOS DE MEDO

O venres tivo lugar unha SESIÓN DE CONTOS DE MEDO para nenos seguida dun obradoiro para decorar o espazo acorde coas datas : Noite de defuntos, Samaín, Halloween...

Cris nun momento do conto coa vela e o esqueleto ao fondo...

Bruxas e vampiros fixeron das súas pola biblioteca provocando algún que outro susto pero nada que non superaran estes rapaces tan valentes.

CLUB DE LECTURA

Onte tivo lugar a inauguración da nova tempada do club de lectura da bibliteca de Caldas e Chirbes foi o seu protagonista. A mellor maneira de homenaxear a un escritor é coa lectura da súa obra e nesta ocasión En la orilla foi a escollida.

Non puidemos empezar de mellor maneira xa que o debate foi intenso, como vén sendo habitual cando unha obra gusta moito a unhas persoas e a outras nada, sendo incluso incapaces de acabala.

 A pesar das primeiras liñas do libro, non estamos ante unha lectura entretida nin de misterio. En la orilla non deixa indiferente a ninguén; ou che resulta apaixonante ou sentes que non podes con ela.

 É moi difícil enumerar os temas que trata a obra pois son tantos que non rematariamos máis. Realizando un esforzo de síntese diríamos que trata da desolación e miseria do ser humano como ente individual e social. Ofrece unha visión crúa da realidade de modo que a súa lectura non é doada e o xeito de presentala, cun longo monólogo interior, reforza a intensidade da mensaxe. Non hai descanso na súa lectura, chegando a ser asfixiante. Non hai humor nin unha descrición onde o lector se poida tomar un respiro, ante as continuas reflexións que provocan malestar e tristeza.

Repetimos que non é unha lectura doada pero é completamente necesaria, se te atreves con ela.

Quim Monzó e Mil cretinos agardan por nós neste mes de novembro.