A reunión do Club de lectura do mes de novembro levounos a comentar o libro de "El lenguaje de las fuentes" do autor Gustavo Martín Garzo. En xeral a obra gustou sobre todo polo novedoso enfoque co que trata un dos episodios bíblicos máis coñecidos.
A obra da que falaremos o vindeiro 21 de decembro é a obra de Xabier Quiroga "Coa man esquerda".
Este mes de decembro temos dúas actividades na biblioteca para os máis pequenos da casa. Como é habitual é preciso inscrición para participar. Animádesvos?
Estos últimos días a biblioteca encheuse de xente grazas ás actividades que se levaron a cabo. O venres 13 de outubro tivemos unha sesión de contos e un pequeno obradoiro do que gozaron un grupo de nenos e nenas acompañados dos seus pais.
Por outra banda esta semana viñeron a visitar a biblioteca os rapaces de 1º e 2º da ESO do IES Aquis Celenis. Con esta actividade, "Coñece a túa biblioteca", pretendemos achegar os servizos ao alumnado dos centros educativos do Concello de Caldas de Reis para que poidan aproveitar ao máximo os recursos que teñen ao seu alcance.
Para a vindeira semana teremos máis visitas na biblioteca, o club de lectura e por suposto o martes 24 de outubro a celebración do Día da Biblioteca cunha sesión de contos para nenos e nenas.
Un bo amigo da biblioteca presenta o seu último libro na Biblioteca de Caldas de Reis. É un pracer contar con José Romero para que nos fale do seu poemario titulado Lauviah. De ángeles y moscas. A presentación terá lugar o venres 6 de outubro ás 20.30h.
Seguro que atopas algunha que se adapte aos teus gustos!
Iniciamos este "curso" con moitas ganas, xente nova e novo calendario. Voltamos a reunirnos nun único grupo o último xoves de cada mes. A obra que comentaremos a finais de outubro é El vagón de las mujeres de Anita Nair.
A recta final do trimestre estivo chea de actividades.
Para mostra un botón:
 |
| O 5 de maio estivemos con Iseo a Moura e "A grandeza do pequeno". |
 | |||
| Trémola Teatro presentounos o 19 de maio "A gran aventura dos animais" | . |
 | ||
| O 2 de xuño o Mago Paco deixounos "Unha maxia diferente". |
 |
| Integrantes do club de lectura participaron do roteiro Castelao pola cidade de Pontevedra o sábado 10 de xuño. |
 |
| Ata o último momento tivemos visitas escolares. Foi un pracer pechar cos maiores de infantil do CPR San Fermín. |
 | |||
| Non esquecemos aos máis novos. Charo Pita contou para eles o venres16 de xuño. |
Por suposto non nos olvidamos da última reunión da tempada do club de lectura que como é habitual fíxose tomando uns viños nun local do pobo.
O pasado mes de maio os dous grupos do club de lectura reunímonos para comentar a obra "Os vellos non deben de namorarse" de Alfonso R. Castelao. Para a meirande parte dos integrantes do club foi unha segunda lectura pero, coma sempre, atopamos elementos novos e compartimos puntos de vista diferentes. Coñecemos algo mellor sobre o seu proceso de escritura así como algunha que outra curiosidade ao redor dunha obra tan recoñecida da nosa literatura.
O vindeiro e último libro da tempada é Nus de Manuel Gago.
Como é habitual a biblioteca presenta cada novo curso escolar o programa Coñece a túa biblioteca aos distintos centros educativos do Concello de Caldas de Reis. O obxectivo é dar a coñecer á rapazada os recursos, organización e servizos da biblioteca municipal, así como achegalos o libro e a lectura preséntandolles de forma amena e divertida aqueles materiais que poidan despertar a súa curiosidade. A animación á lectura está presente nas visitas polo que estas adáptanse tanto en contidos como formato aos distintos cursos e niveis.
O pasado mes de abril visitaron a biblioteca os nenos e nenas de Infantil do CPR La Encarnación. Durante tres mañáns gozaron coa Cociña dos contos da biblioteca.
Grazas ao profesorado polo interese e implicación nestas actividades!
 |
| Os máis pequenos estiveron atentos e moi participativos. |
 |
| Os de 5º de Infantil axudaron a preparar un rico menú de conto. |
 | |||
| Os rapaces de 6º de Infantil estiveron o 24 de abril e polas súas caras deberon pasalo ben. |
O vindeiro libro é todo un clásico da literatura galega "Os vellos non deben de namorarse" de Alfonso R. Castelao que dará paso a unha actividade do club de lectura fóra dos muros da biblioteca.
Uns vinte rapaces e rapazas gozaron con Electra Menéndez de "Pedras, artesanía e patrimonio" o pasado venres pola tarde. Primeiro escoitamos un conto e a continuación participamos dun obradoiro onde as habilidades e a imaxinación foron as protagonistas.
As fotografías dan testemuña que foi unha tarde divertida!
O mes de Abril, mes do libro, ven cargado de novidades á biblioteca. Coñecemento, novela, banda deseñada...un pouco de todo e para todos, grandes e pequenos. Tédelos á vosa disposición na entrada do centro.
Podedes ver o listado completo neste enlace:
O pasado venres tivo lugar o contacontos teatral "Animais do bosque". Un grupo de máis de trinta nenos e nenas, acompañados dos seus pais, achegáronse ata a biblioteca para gozar con Trinketrinke. Fuco, un ratiño de biblioteca, trouxonos unha chea de contos e cancións ata a nosa biblioteca. Que ben o pasamos!
Este pasado mes de marzo nas reunións do club de lectura comentamos o libro Kitchen da autora xaponesa Banana Yoshimoto. A obra caracterízase polo seu intimismo e verosimilitude. Un dos comentarios que máis se repiteu foi o de "historia triste pero fermosa". Tamén falouse das peculiaridades que atopamos na escrita dos autores orientais, dos silencios e por suposto da importancia da cociña neste texto.
A lectura para o mes de abril é Hotel silencio da escritora islandesa Audur Ava Ólafsdóttir.
Como é habitual nestas datas iniciamos unha serie de actividades dirixidas a público adulto e infantil encadradas no programa "Unha primavera de conto" co que se pretende dinamizar o centro e fomentar a lectura entre a veciñanza.
Estos dous últimos venres foron moi especiais na biblioteca. Por un lado o 17 de marzo contamos coa presenza de Charo Pita que veu a falarnos un pouco máis do seu libro "Retratos en branco e negro" que lemos e comentamos no club de lectura do mes de febreiro.
E "Coa palabra na boca" deixounos María da Pontragha o pasado venres 24 de marzo. Unha sesión de contos para celebrar o Día da narración oral e que gozamos todos quedándonos con ganas de escoitar máis historias da nosa tradición popular.
Dende fai uns anos e con motivo da celebración do Día da narración oral, que tivo lugar o pasado 20 de marzo, a biblioteca municipal quere poñer en valor a nosa rica tradición oral e salientar a importancia dos contos para todo tipo de público.
O mércores 8 de marzo a biblioteca volveuse a encher de nenos e nenas. Un grupo de trinta pequenos do CRA de Caldas de Reis procedente das escolas de Carracedo, Santo André, Saiar e Godos e acompañados polo profesorado coñeceron o centro, os seus servizos e por suposto gozaron cos libros que lles fomos ensinando e con algunha que outra historia que lle contamos.
Grazas pola visita!
A biblioteca municipal quixo celebrar a data do 8 de marzo, Día da muller, cunha pequena mostra de materiais librarios titulada Extraordinarias pero silenciadas.
Libros que nos falan da vida e obra de mulleres moi destacadas nos seus campos pero invisibilizadas para o gran público.
 | ||
| Sabías que... Á entrada da biblioteca atoparás datos curiosos sobre grandes mulleres. |
Nas reunións do club de lectura do mes de febreiro, comentamos o libro de relatos de Charo Pita "Retratos en branco e negro" publicado por Galaxia.
O libro está estruturado en dúas partes; a primeira leva como título "Retratos" e a segunda "En branco e negro"
Pola primeira parte van desfilando personaxes cunhas historias que oscilan entre o fantasmal e o cotiá, entre a fantasía e a verosimilitude, narradas cunha linguaxe precisa e poética. Personaxes e historias se interrelacionan entre si, ás veces de modo contundente e outras só cun trazo, de tal modo que case parece un xogo con quen está ler. Todos os relatos están protagonizados por mulleres de diferentes idades e con distintas motivacións para a vida. Nesta parte imos atopar moitas referencias a elementos da mitoloxía galega, e aos contos clásicos tradicionais.
Na segunda parte destaca o relato "Leopardas" onde dúas mulleres inglesas e de gran calado histórico, a exploradora Mary Henrietta Kingsley e a sufraxista Emily Wilding Davison son as protagonistas.
En xeral, é un libro que gustou pola súa amena lectura e polos fíos que van unindo ás distintas protagonistas. O próximo 17 de marzo virá a autora a presentar esta obra súa e seguro que nos desvelará máis detalles interesantes.
A seguinte lectura é "Kitchen" da xaponesa Banana Yoshimoto.
