Horario no Nadal

A Biblioteca pechará durante o Nadal os seguintes días:

• 24,25 e 31 de decembro
• 1 e 6 de xaneiro

Boas festas a tod@s!

Nadal na Biblioteca

Con esta árbore de estrelas feitas polos nenos e nenas a biblioteca municipal deséxavos unhas...

Felices festas!

Club de lectura

O xoves 28 de novembro, o club de lectura da biblioteca xuntouse para comentar a novela Historia de la violencia do escritor francés Édouard Louis, editada en castelán por Salamandra. 

Se a priori puideramos pensar que o argumento reflectía unha situación moi dura, unha violación, un roubo e un intento de asasinato, a dificultade estivo no modo de presentala. 

Con distintas voces, que en ocasións se superpoñen, as reflexións no medio das accións fixo que esta novela orixinal para algúns, fose incomprensible para outros ou simplemente que non lle gustase. De feito, provocaba rexeitamento; en ocasións, por confusións e noutras, por non resultar verosímil ao intentar o autor, reflexionar sobre o papel da vítima e do verdugo

Como somos moitos e moi diversos, non houbo unanimidade. E que ben que sexa así!

Dúas persoas dixeron que si lle gustou a súa lectura por considerala diferente e máis que a presentación duns feitos, eran as meditacións sobre cómo unha persoa podía chegar a cometer feitos atroces. 

Moitos estiveron de acordo en que presentaba diferentes tipos de violencia, non só o do violación e intento de estrangulamento. Había violencia e racismo con outros personaxes da novela, aínda que tal vez o título fose un pouco pretencioso e no lugar da historia de la violencia, tería que terse titulado a historia dunhas violencias. A emigración, a pobreza e o racismo tamén están moi presetnes na novela, querendo dicir, tal vez que a sociedade francesa non é tan liberal e avanzada como ás veces pensamos.

En calquera caso, non é unha lectura fácil nin apta para todo o mundo pero se queredes ler algo diferente cunha estrutura orixinal é a unha opción adecuada. 

A seguinte reunión será o 19 de decembro, xusto antes das festas navideñas e nesa ocasión comentaremos a novela de Jennifer Clement, Ladydi.

O rueiro das liortas

O pasado sábado no Auditorio municipal  representouse a obra teatral O rueiro das liortas da compañía Elefante Elegante. É unha proposta escénica que promove a reflexión sobre a situación da muller na sociedade e que propicia a reflexión arredor dos comportamentos machistas e dos seus efectos a través do humor e da ironía.

A actividade encadrada na campaña “Nós contra a violencia”  da Secretaria Xeral de Política Lingüística e da Secretaria Xeral de Igualdade desenvólvese no marco do Pacto de Estado contra a violencia de xénero.

Ler en familia

Esta semana desenvolveuse a actividade impulsada desde o Concello Ler en familia.

A valoración é moi positiva grazas a  implicación dos centros educativos é a participación directa dun grupo de fantásticos pais, nais e avoas que se achegaron ata as clases dos seus fillos e netos a lerlles contos, poñendo así o seu gran de area no fomento da lectura dos máis novos.

A actividade completouse co reparto entre o alumnado do libro Os Bolechas: Xigantes e cabezudas en Cadals de Reis.

Grazas a todos e todas por participar!

No CPI Alfonso VII xuntámonos na biblioteca escolar.

Con botas e paraugas visitamos o CPR La Encarnación

As avoas foron as protagonistas no CPR San Fermín

No CEIP San Clemente de César ata houbo pitos e moedas de ouro!

O rueiro das liortas

Conversas en inglés

A primeira reunión da temporada 2019-2020 de Conversas en inglés retrasouse un pouco, pero hoxe, por fin, empezamos de novo e con forza. Hai dúas novas incorporacións o que fan un total de once participantes no grupo.

Non están todos os que son, pero son todos os que están!

Club de lectura

A primeira reunión do club de lectura da temporada foi, como case sempre, unha posta en común das lecturas que fixemos durante o verán, recomendacións dos títulos que máis nos gustaron, etc.

Por suposto non faltou o coloquio sobre a novela obxecto da reunión, La hija del este de Clara Usón. Como é habitual houbo a quen lle gustou moito a obra fronte a quen lle costou incluso rematala.

A autora tomou como punto de partida un feito real, o suicidio de Ana
Mladić, filla de Radko Mladić coñecido polo alcume do carniceiro da guerra dos Balcáns.

A novela destaca tanto pola ficción da historia persoal de Ana e do seu pai como pola parte de historia, moi documentada, que nos vai aclarando a situación da zona que entrou en conflicto durante a década dos anos 90 en Europa.

Un libro moi interesante que nos fai reflexionar e coñecer un pouco máis sobre a historia máis reciente do noso vello continente.

A seguinte reunión do club  terá como lectura a debatir "Historia de la violencia" de Édouard Louis.

Contando números, cantando cores

A Biblioteca Pública Municipal de Caldas de Reis “P. M. Martínez Ferro” organizou o pasado venres 4 de outubro  a actividade “Contando números, cantando cores”  a cargo de Pablo Díaz. O músico coruñés moi coñecido pola xente miuda grazas aos seus traballos discográficos e colaboracións fíxonos pasar un rato divertido entre contos e cantos que tamén nos fixeron reflexinar sobre a igualdade de xénero.

Contando números, cantando cores

Elas pintan moito

O pasado venres 13 de setembro ás 19:00h e organizado pola Biblioteca Pública Municipal "P. M. Martínez Ferro" tivo lugar a sesión de contos "Elas pintan moito" de Migallas Teatro.

Foi unha actividade lúdica, didáctica e moi participativa onde a través da obra de catro pintoras fixemos unha viaxe polo mundo. 

 

Sonia Delaunay, Yayoi Kusama, Frida Khalo e Xulia Minguillón foron as protagonistas da actividade encadrada no programa Ler conta moito e financiada polo programa do Pacto de Estado contra a violencia de xénero.

A rapazada pasouno moi ben. Grazas a todas e todos pola vosa asistencia!

A Biblioteca Pública Municipal "P. M. Martínez Ferro" pechará todo o mes de setembro por reformas.

Iremos dando información sobre a data de apertura.

Desculpen as molestias.

Elas pintan moito

Fíos e papel

O 5 de agosto houbo moita creatividade na biblioteca, grazas á compañía Teatro Marionetas Trécola e foi canalizada cara a creación de marionetas pequenas e xigantes.

Os nenos e as nenas, cada quen seguindo a súa intuición, elaboraron incribles personaxes que decoraron ao seu xeito. 

Con materiais sinxelos e cotiás e moita imaxinación, cada quen saiu co seu peculiar monicreque articulado. 

"Fíos e papel" resultou ser un obradoiro do máis creativo.

 

O paroleiro na biblioteca

Onte, luns 29 de xullo, tivemos a visita de  "O Paroleiro" na biblioteca municipal.

Un grupo de rapaces escoitaron contos, rimas e cancións da man de Pablo Sánchez "Pablísimo". Coma sempre foi un pracer telo de novo en Caldas de Reis.

O espantamedos na biblioteca de Caldas

O luns 22 de xullo estivo na Biblitoeca municipal Inacio Vilariño de Fantoches Baj.
Veu cargado de contos de medo e cancións arrepiantes que fixeron que a grandes e pequenos se lles puxeran os pelos de punta, eso si, con moitas risas que fixeron que a mañán fora inesquecible.

A actividade está cofinanciada entre a Xunta de Galicia e o Concello de Caldas de Reis a través do programa Ler conta moito.

Tapas con letras

Hoxe na biblioteca municipal un evento gastro-literario organizado pola escritora e veciña Anya Rit e a Asociación de hostelería de Caldas de Reis coa colaboración do Concello.

Un agradable encontro entre creadores, editores, críticos e lectores acompañado dunha variedade de deliciosas tapas que fixo deste sábado un día inesquecible.

Tapas con letras

O neno que quería ser mago

Onte visitounos o mago Javier Muro co seu espectáculo "O neno que quería ser mago".

A actividade deixou abraiados a un grupo de cincuenta nenos e nenas que disfrutaron dunha hora chea de maxia e fantasía na biblioteca municipal.

Foi unha sesión moi participativa e algúns voluntarios actuaron como axudantes de Javier en diferentes momentos da mesma.

Pasárono en grande! 

Un otoño en la pajarera

O pasado venres tivo lugar a presentación do primeiro libro Un otoño en la pajarera da escritora e veciña Mónica Graña. 

Versos, sentimento e moito amor pola poesía foi o que nos trasladou Mónica con moitísima ilusión.

Estivo acompañada por Loli, profesora na Escola de Música de Caldas de Reis, que nos regalou uns cantos temas ao clarinete.  

Para quen queira disfrutar co libro de Mónica informamos que está dispoñible na Biblioteca Municipal de Caldas de Reis.