O 23 de abril é o día do Libro e con tal motivo armouse unha boa festa na biblioteca grazas a Juan Juste, Juste Kamishibai e o seu espectáculo As historias do kamishibai. O kamishibai é un teatro de papel de orixe xaponesa e Juan Juste é un verdadeiro experto na materia, como o demostrou ao deixarnos abraiados a todos, rapaces e maiores.
Foi un espectáculo moi interactivo e divertido pero tamén tivo trazas de pedagoxía xa que aprendimos moitas cousas, como a pronunciar correctamente o nome de Kamishibai, a súa orixe, quen era o gaito kamishibai (o contador de historias)...
Ata houbo espazo para instrumentos artesanais feitos polo propio artista!
Tamén houbo ocasión para contos usando a técnica emaki que é un teatro lumínico da tradición xaponesa, a partir de pergamiños ilustrados.
Foi unha xornada fantástica que rematou con confeti, como debe ser, xa que era unha festa, e agasallounos cuns marcadores moi divertidos para acompañarnos nas nosas lecturas.
Ningún comentario:
Publicar un comentario