xoves, 6 de xullo de 2017

Reunión especial do club de lectura

As integrantes do club de lectura da biblioteca de Caldas, tivemos o xoves 29 de xuño, unha reunión moi especial, xa que era a última do "curso". O club vaise de vacacións durante o verán e para celebralo cambiamos o lugar de reunión e fomos de cea todas xuntas. 

Entre a tortilla e os calamares, houbo tempo para comentar a última lectura do club, que nesta ocasión foi La ley del menor de Ian McEwan, publicado en castelán por Anagrama. Foi unha das lecturas que máis gustou; tanto foi así que Rosa animouse e leu a novela dúas veces, e houbo persoas que falaron dela con moita paixón.

 A historia ten como protagonista a unha xuíza que está acostumada a casos moi difíciles e que de súpeto, vese metida nun que lle afectará de xeito persoal precisamente cando a súa vida privada está a pasar por un momento de crise. Os personaxes secundarios que a rodean e casos nos que participou, configuran unha novela redonda que se le dunha sentada e na que é difícil entender como o autor, Ian McEwaan

 E como dicía Tati: "pode ser que che guste ou non, pero ten moitos aspectos para comentar" E así foi: a imparcialidade da xustiza, o alcance do veredictos nos que poden tomar decisión de vida ou morte, a búsqueda constante de anhelos que enchan a vida... Son tantos os temas entrelazados nesta novela dunhas duascentas páxinas que parece incríble como se compuxo ese entramado de temas dun modo tan fluido.

A intensidade emocional dun escritor cun estilo sabio e sinxelo que sorprende e conmove a partes iguais, fai que consideremos La ley del menor como unha excelente lectura e recomendámola encarecidamente.




Voltamos tras o verán, con máis libros e máis reunións.




Moito sol, moita festa e moi boas lecturas!

Ningún comentario:

Publicar un comentario