Os rapaces de Caldas demostraron a súa creatividade guiados pola ilustradora Minia Regos de Gargallando.
O obradoiro está encadrado no programa Ler conta moito. Entre os seus dedos e a súa imaxinación crearon golfiños con todas as cores do arco da vella, bruxas arrepiantes, baleas xigantes, paisaxes de costa... tal vez recordo dos recentes días de praia? Vimos montañas xigantescas e interiores asombrosos.
Entre as dúas sesións, celebradas os sábados 16 e 23 de setembro, lograron levar para a súa casa o seu propio conto ilustrado que seguro lle será de inspiración para vindeiras obras de arte.
Parece que o pasaron ben. Ata outra rapaces!
